مقالات

كتاب المرشد في طب الأطفال للصيادلة | The Guide book in pediatrics for pharmacists

كتاب المرشد في  طب الأطفال للصيادلة  | The Guide book in pediatrics for pharmacists

كتاب المرشد في  طب الأطفال للصيادلة The Guide book in pediatrics for pharmacists

شرح كيفية حساب جرعات الأدوية في الأطفال والرد على الشبهات مع تطبيقها في حساب جرعات المضادات الحيوية 

  • أول شئ لازم نعرفه إن الطفل غير الكبير لا يمكن أن تكتب أى دواء و تقول له خذه ٣ مرات و انتهينا و الطفل ذات نفسه بينمو بسرعة و بيكبر فمن غير المعقول ان طفل وزنه ١٠ كيلو نعطي له نفس الجرعة التي سوف نعطيها لطفل وزنه ٢٠ كيلو و بالتالى لا مفر من حساب الجرعة الصحيحة المناسبة للطفل حسب وزنه كما هو بالفعل مكتوب فى جميع كتب طب الأطفال
الرد على الشبهات :
  • "ناس كتير أوى بقه من أول أطباء الامتياز و التكليف لحد كثير من الأخصائيين مرورا بالصيادلة يزعلوا أوى من النقطة دى و يقولك حساب ايه !! دماغك يا عم
  • هوا لو أقل من سنتين اديله معلقة صغيرة كده و لو اكتر معلقة كبيرة و خلاص و يذكروا مجموعة من الشبهات هرد عليها إن شاء الله" نرد عليهم 
أولا:
  • ليه لازم تحسب الجرعة ؟؟ لإن دى أمانة و مسؤولية هنتحاسب عليها امام ربنا افرض لو أعطيت بالتقريب جرعة أكبر من التي يحتاجها الطفل سوف تعرضه للآثار الجانبية
  • وتجعل هناك عبء مادى على الأسرة و افرض لو أعطيت جرعة أقل لن يعطي نتيجة لانها سوف تعمل resistance 

المضاد الحيوى فى الأطفال :

suspension بيكون غالبا حاجة اسمها يعنى ايه ؟ 

العلبة فيها بودرة و معاها مياهو الأم بتملا العلبة مياه لحد علامة معينة موجودة و بعدين تفضل ترجها طبعا 

مادام حليته لازم يستخدم خلال فترة معينة تقريبا أسبوعين و بيكون غالبا معاه معلقة بيضا صغيرة دى ٥ سم أما الدوا اللى بيكون جاى معمول اسمه syrup.

ملحوظة:
السم هو المللى مفيش اى فرق بينهم أغلب المضادات الحيوية بتكون

١٢٥ و ٢٥٠ و ٥٠٠ يعنى ايه ؟ المضاد الحيوى ال ١٢٥ معناه إن كل ٥ سم من العلبة فيه ١٢٥ مجم من الدوا 

يعنى لو جبت المعلقة الصغيرة دى و مليتها من العلبة و شربتها هكون أخذت جرعة دواء أد ايه ؟ مضبوط ١

نأتي للجانب الثاني : الطفل أغلب المضادات الحيوية تكون جرعتها

٥٠ مجم لكل كجم فى اليوم يعنى ايه ؟ يعنى لو طفل وزنه ١٠ كيلو و عنده مثلا التهاب في اللوزتين واريد ان اكتب له مضاد حيوى .

سوف يكون محتاج ياخد ٥٠ مجم من المضاد لكل كيلو من وزنه على مدار اليوم كله عشان يخف إن شاء الله يبقى الطفل ده محتاج كمية فى اليوم ؟

٥٠ نضربها فى ١٠ تمام محتاج ٥٠٠ مجم مع العلم إن إحنا كده بنحسب الجرعة فى اليوم كله فى الاخر خالص بعد ما نخلص الحسبة

 نقسم الناتج على ٣ و نقول للأم تعطيه للطفل كل ٨ ساعات دلوقتى ببساطة.

هنعمل مقص ركز معايا ال ٥ مل فيهم 125 الكمية اللى عايزين نديها عايزين يكون فيها 500 الكمية اللى هنديها بالمقص هتطلع 5 في ٥٠٠ على ١٢٥ هتطلع ٢٠ سم على ٣ جرعات تطلع حوالى ٦و ٥ سم كل ٨ساعات 

فيها حاجة صعبة ؟ ايوه فيها إنها محتاجه الة حاسبة طيب نبسطها شوية .

احفظ المعادلة دى جرعة المضاد هتساوى 5 فى ٥٠ فى وزن الطفل على تركيز المضاد لسه صعبة ماشى نبسط المعلومة اكثر .

سوف نقول لا تستخدم أى مضاد إلا ٢٥٠ ليه ؟ لإنه اقتصادى سعره قريب من ١٢٥ فلما تكتب ٢٥٠ هتوفر مع المريض حتى لو الطفل لسه مولود .

لو عايزين نحسب مثلا فى نفس المثال السابق لطفل ١٠ كيلو بس المرة دى هنديله مضاد ٢٥٠.

كم ستحتاج من الجرعة فى اليوم ؟؟ مضبوط ١٠ سم فى اليوم كله ها أخدت بالك و لا لسه ؟؟

٥ فى ال ٥٠ بكام ؟؟ ب ٢٥٠ كده فى المعادلة اللى فوق كله هيروح مع بعضه هتطلع الجرعة فى اليوم هى نفسها .

وزن الطفل من غير أى حسابات ها فهمت ؟؟ و بالطريقة دى تحسب الجرعة فى ثوانى لأى طفل.

مثال:

congestive tonsillitis طفل عنده و عنده ١٢ كيلو هتقوم تكتب مثلا Curisafe suspension 250 mg ٤ سم بالسرنجة كل ٨ ساعات لمدة أسبوع بس كده ؟؟ صعبة فى حاجة ؟

 ملحوظة ١:
طبعا ال ٤ سم دول تفهم الأم إنها هتديهم بالسرنجة بعد ما تشيل السن بتاعها.

ملحوظة ٢:
اكتب كل ٨ ساعات متكتبش ٣ مرات لأنك لو كتبت ٣ مرات ممكن تلاقى الأم راحت تشترى الدواء و بعدين رجعتلك عشان تسألك هما ال ٣ مرت دول امتى ؟.

ملحوظة ٣:
يستحسن تكتب و تفهم الأم أن المضاد ده هتاخد لفترة أقل حاجة ٥ أيام و الأفضل أسبوع حتى لو الطفل اتحسن.

شاهد وقم بتحميل المزيد من الكتب pdf مباشره 

Technosydaly | تكنوصيدلي
بواسطة : Technosydaly | تكنوصيدلي
صيدلي مصري ، ابحث دائما عن الجديد في عالم الدواء ، احب التدوين ومشاركة المعلومات الدوائية لكي يستفيد منها المتخصصين والعامة، اقدم معلومات هامة حول الأدوية والكتب الطبية الصيدلانية ، كوني متخصص في علم الدواء فأقدم لكم المعلومة الدوائية صحيحة.
تعليقات



حجم الخط
+
16
-
تباعد السطور
+
2
-